“Jeta në Komunë” ndërron adresë, nuk transmetohet në RTK

Emisioni i debateve zgjedhore, “Jeta në Komunë”, i drejtuar nga gazetarja Jeta Xharra, i cili në zgjedhjet e kaluara lokale transmetohej në Radio Televizionin e Kosovës, ka ndryshuar adresë, dhe tani do të shfaqet në Radio Televizionin 21.

Lajmi është bërë i ditur nga vetë gazetarja Xharra, si dhe nga Televizioni 21, të cilët kanë njoftuar se ky emision starton nga sonte, dhe do të transmetohet cdo ditë duke filluar nga ora 20.00 – 21.30.

“Karvani i këtij ekipi realizues do të shtegtojë nëpër 27 komuna, duke filluar nga Kamenica dhe do të përfundoi këtë rrugëtim të gjatë në kryeqytetin tonë Prishtinën me datën 1 nëntor. Janë gjithsej 27 debate që do të emetohen drejtpërdrejt nga komunat me shumicë shqiptare, kurse 11 komunat e tjera me komunitetet të ndryshme nacionale nga radhët e pakicave do të realizohen në Sheshin 21, duke u xhiruar e pastaj do të transmetohen në termine të caktuara në RTV21”, bëhet e ditur në një njoftim të RTV21. (reporteri.net)
 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.