Dhuna ndaj femrës në nivel alarmant

 

 

Ministria e Integrimit Evropian organizoi takimin me grupin punues sektorial të qeverisjes në fushën e barazisë gjinore. Të pranishëm ishin, përveç anëtarëve të grupit punues, edhe Ambasadorja Amerikanë Kosovë znj. Tracey Jacobson, udhëheqësi i sektorit politik, ekonomik dhe atij për integrim Evropian në zyrën e BE-së në Kosovë, Thomas Gnocchi si dhe Teuta Sahatçija, kryetare e Grupit të Grave Deputete të Kuvendit të Kosovës.
Gjatë takimit, kryesuesja e takimit, Ministrja Çitaku tha se çështja e barazisë gjinore në Kosovë vazhdon të jetë sfiduese, duke pasur parasysh se në shoqërinë tonë dhuna në familje – kryesisht ndaj grave dhe vajzave - mbetet problem shoqëror në nivel mjaft alarmant. Për më shumë, shtoi ajo, pavarësia ekonomike e grave, përfshirja e tyre në trashegiminë familjare, përfshirja e grave në politikë dhe vendimmarrje mbeten cështje të cilat kërkojnë dedikim të vazhdueshëm nga të gjithë aktorët relevantë.

Fokusi i këtij takimi ishte prezantimi i aktiviteteve të donatorëve të implementuara në fushën e barazisë gjinore. Gjithashtu, u diskutuan edhe për prioritetet dhe planet afatmesme të Qeverisë së Kosovës; reflektimit të asistencës së jashtme në këto prioritete dhe plane me qëllim të harmonizimit të ndihmës së jashtme në fushën e barazisë gjinore, me prioritetet e Qeverisë së Kosovës.

Gjatë takimit, pjesëmarresit u dakorduan per pergatitjen e nje pasqyre te asistences se huaj te donatoreve ne Kosove brenda sektorit te barazise gjinore. Ky dokumnet pastaj do te jete dokument diskutues per takimin e dyte ne fushen e barazise gjinore.(RTK)

 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.