H.TH në kamishat e Thaçit kushtojnë 4 deri në 5 euro!

 

 

Shumëkujt i kanë bërë shumë përshtypje inicialet H.TH, të shtypura në kamishat e Hashim Thaçit. Madje mendohej se kryeministri kosovar kishte themeluar markë rrobash. Në një storie të Klan Kosovës thuhet se në fakt Hashim Thaçi nuk vishet shtrenjtë. Ai thuhet se vesh shpesh herë të njëjtat komplete teshash, qoftë në Bruksel apo edhe në Kosovë. Edhe për dizejnatorin Valdrin Sahiti, Thaçi nuk duket se harxhon shumë në veshje. Sipas tij, rrobat e Thaçit që vesh në takime qoftë zyrtare dhe në ato jo shumë zyrtare duken të mos jenë material i shtrenjtë. Edi Sejdiu, shef i protokollit në Kryeministri i ka thënë Klan Kosovës se Thaçi nuk investon shumë nga xhepi i tij për veshje. Për inicialet H.TH ai tha se kryesisht bëhen me një çmim nga 4 deri në 5 euro, dhe atë të shtypura nga dyqani ku blihen kamishat. Ai ka thënë se shpesh ndodh që shtypja e këtyre inicialeve bëhet edhe pa para. 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.