Drita me shtatë përforcime, synon kreun e tabelës

 

 

Skuadra e futbollit Drita nga Gjilani, ka shtuar apetitet e saj për kampionatin e ri pasi ajo ka ofruar afër vetes hiq më pak se shtatë përforcime të reja. Kohë më lapër ajo kishte angazhuar  edhe trajnerin e ri dhe se kjo skuadër sipas drejtuesve  të klubit,  po përgatitet për të ofruar lojëra të mira, kënaq publikun, e pse jo edhe për të synuar kreun e tabelës.

Përforcimet e reja të kësaj skuadre janë: Xhevdet Mulliqi - sulmues / i ardhur nga Trepça,  Fidan Hasani  mbrojtës / i ardhur nga Hysi,  Florim Berisha - mesfushor / i ardhur nga Ferizaj,  Mirsad Idrizi – mbrojtës /  i ardhur nga Ferizaj Ridvan Emini – mbrojtës / i ardhur nga  Vitia, Egzon Cana - mesfushor / i ardhur nga  Gjilani  dhe Vllaznim Jashari - mesfushor anësor / i ardhur nga  Gjilani, ka bërë të ditur Ismajl Rashiti, kryetar i Klubit.

Sipas tij,  në skuadër është krijuar rregulli dhe disiplinë dhe po punohet shumë. “ Klubi ka krijuar stabilitet dhe kryesia është e vendosur  për të mos lejuar askush ta prish këtë atmosferë të mirë, madje janë paraparë ndëshkime drastike edhe deri në suspendim sepse nuk do të lejojnë asgjë të dalë jashtë kontrollit e të prishet kjo atmosferë në klub”,  ka thënë Rashiti për Portalin 2lonline.

Sipas tij, synimet e skuadrës bardhë e kaltër janë  ofrimi i lojërave të mirë dhe joshëse për simpatizuesit e  flaktë “intelektualët”,  e pastaj, pse jo, të synohet edhe pjesa e epërme e tabelës dhe vet kreu i saj.

Sipas tij, edhe me ardhjen e trajnerit të ri Musa Selimi, është krijuar një frymë  e mirë në ekip. Selimi po i mbanë stërvitjet si timonier i këtij klubi dhe pritet angazhimi i të gjithëve në klub për arritjen e rezultateve të dëshiruara për klubin, qytetin dhe tifozët më të zjarrtë në rajon, Intelektualët.

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.